Stormsveitarmenn á pinnahælum

Breska rokkhljómsveitin Queen fagnar 40 ára afmæli um þessar mundir og af því tilefni hefur gítarleikarinn Brian May og trymbillinn Roger Taylor opnað Queen-sýningu í Lundúnum.

Aðdáendur sveitarinnar geta skoðað ýmsa muni sem tengjast sögu sveitarinnar. 

„Þarna má sjá ýmislegt sem ég var búinn að gleyma,“ segir Taylor um sýninguna, sem kallast Stormtroopers In Stilettos, og er til húsa í Old Truman Brewery í austurhluta borgarinnar. Sýningin stendur yfir til 12. mars nk. 

Að sögn Taylors minna margir sýningargripirnir sig á söngvarann Freddie heitinn Mercury.

Nánar um sýninguna hér.