Trymbill á hvíta tjaldinu

Larry Mullen jr., trommuleikara írsku rokkhljómsveitarinnar U2, er margt til lista lagt en hann hefur þreytt frumraun sína á hvíta tjaldinu, og verður myndin sýnd á kvikmyndahátíðinni í Cannes í næsta mánuði. 

Mullein leikur aðalhlutverkið á móti Donald Sutherland í írsk-kanadísku spennumyndinni Man on the Train sem byggir á franskri kvikmynd frá árinu 2002. Í þeirri mynd lék franska rokkstjarnan Johnny Hallyday aðalhlutverkið. 

Í kvikmyndinni leikur Mullen dularfullan og ókunnugan mann sem kemur til smábæjar til að ræna banka. 

Mary McGuckian leikstýrir myndinni. 

• 1 blogg um fréttina

Bloggað um fréttina

• Gísli Foster Hjartarson: Að halda sig bak við settið!!!