Skemmtu sér í Buckingham-höll

Vilhjálmur Bretaprins og Kate Middleton, sem gengu í það heilaga í Lundúnum í gær, skemmtu sér fram eftir nóttu í Buckingham-höll ásamt um 300 nánum vinum og ættingjum. En þar var haldið kvöldverðarboð.

Middleton, sem er nú orðin hertogaynja af Cambridge, var klædd í hvítan kvöldkjól sem Sarah Burton hannaði, en hún hannaði einnig brúðarkjólinn.

Talið er að hjónin nýbökuðu muni fara í brúðkaupsferð síðar í dag. Að sögn breska ríkisútvarpsins er hins vegar ekki búið að greina opinberlega frá fyrirætlunum þeirra.

Karl Bretaprins stóð fyrir veisluhöldunum í gærkvöldi. Talið er að Harry Bretaprins, sem var svararmaður bróður síns, Michael Middleton, faðir Kate, hafi haldið ræðu.

Vilhjálmur Bretaprins og Karl faðir hans voru prúðbúnir. Reuters

• 1 blogg um fréttina

Bloggað um fréttina

• Jenný Stefanía Jensdóttir: Hamingja múgsins