Coca Cola á afmæli í dag

Í dag eru liðin 125 ár frá því að lyfjafræðingur í Atlanta í Bandaríkjunum hrærði saman blöndu sem átti að lækna höfuðvert og þreytu. Þar með datt hann niður á uppskrift að einum vinsælasta drykk veraldar og sem ber eitt þekktasta vörumerki heimsins. 

Coca Cola heldur upp á afmælið og minnist þess að 8. maí 1886 markað John Pemberton lyfsali spor sín í sögunni. Drykkurinn sem hann fann upp er nú seldur í meira en 200 löndum og Coca Cola fyrirtækið er í röð 100 helstu fyrirtækja heimsins. 

Sígilt Coca Cola, það er gamla góða kókið en ekki afsprengi þess á borð við Diet Coke, er enn vinsælasti gosdrykkur í heiminum og státar af 17% markaðshlutdeild.

Uppskriftarinnar er vandlega gætt og flyst á milli kynslóða með mikilli leynd. Sagan segir að uppskriftin sé geymd í rammbyggðri öryggishvelfingu í eigu fyrirtækisins.

• 1 blogg um fréttina

Bloggað um fréttina

• Sigurður Haraldsson: Hef heyrt því fleygt.