Ísland endaði í 20. sæti

Ísland endaði í 20. sæti í Eurovision söngvakeppninni í Düsseldorf í kvöld. Aserbaijan sigraði í fyrsta skipti í sögu keppninnar, Ítalar urðu í 2. sæti og Svíar í þriðja sæti.

Þau Ell og Nikki, fulltrúar Aerbaijan, fengu 221 stig, Ítalinn Raphael Gualazzi fékk 189 stig og Svíinn Eric Saade fékk 185 stig. Úkraína varð í 4. sæti og Danmörk í 5. sæti. 

Ísland fékk samtals 61 stig frá ellefu þjóðum í kvöld, þar af 12 stig frá Ungverjum. Svisslendingar gáfu íslenska laginu 10. stig, Finnar og Norðmenn 8 stig hvor þjóð, Danir 6, Ítalar 5, Bretar og Portúgalar 4, Spánverjar 2 og Svíar og Bosíumenn 1 hvor þjóð. 

Ragnhildur Steinunn Jónsdóttir kynnti stigagjöf Íslendinga, sem gáfu Dönum 12 stig, Finnum 10 stig og Aserbaijan 8 stig.

Stig úr fyrri riðli forkeppninnar voru birt eftir að keppninni lauk og kom þá í ljós að Ísland var í 4. sæti af þeim 19. þjóðum sem þá kepptu.

Röðin í forkeppninni var þessi:

1. Grikkland
2. Aserbaijan
3. Finnland
4. Ísland
5. Litháen
6. Georgía
7. Ungverjaland
   
8. Serbía
9. Rússland
10. Sviss.

Í hinum riðlinum urðu Svíar og Danir í efstu tveimur sætunum.