Segir himnaríki skáldskap

Breski vísindamaðurinn Stephen Hawking kveðst hafa komist að þeirri niðurstöðu að himnaríki sé aðeins ævintýraskáldskapur fyrir fólk sem hræðist myrkrið.

Hawking segir í viðtali, sem breska dagblaðið The Guardian birtir í dag, að barátta sín gegn sjúkdómi, sem nefnist hreyfitaugungahrörnun, hafi stuðlað að þessari niðurstöðu. Hann hafi allt sitt líf þurft að sætta sig við að geta dáið hvenær sem er vegna sjúkdómsins. „Ég hræðist ekki dauðann, en mér liggur ekki á að deyja. Það er svo margt sem ég vil gera áður,“ sagði hann. „Ég lít á heilann sem tölvu sem hætti að virka þegar íhlutir hennar gefa sig. Það er ekkert himnaríki eða líf eftir dauðann fyrir bilaðar tölvur; það er ævintýrasaga fyrir fólk sem er hrætt við myrkrið.“

• 1 blogg um fréttina

Bloggað um fréttina

• Gísli Foster Hjartarson: Ég og Stephen Hawking