Flestar konur velja ást fram yfir peninga

Konur giftast yfirleitt ástarinnar vegna fremur en peninganna samkvæmt nýrri könnun en önnur lögmál gilda ef karlmaðurinn er atvinnulaus. 75% kvenna myndu ekki giftast atvinnulausum karlmanni.

65% kvenna sögðust ekki heldur vilja giftast ef þær væru sjálfar án atvinnu. 

En meira en 91% kvenna sögðust myndu giftast vegna ástar fremur en vegna peninga. 

„Það er kaldhæðnislegt að konur skulu segja að ást skipti meira máli en peningar á meðan þær myndu ekki giftast ef maki þeirra er án atvinnu“ segir Meghan Casserly frá tímaritinu Forbes Woman sem framkvæmdi könnunina.

77% kvenna trúði því að þær gætu fengið fullnægjandi samband, fjölskyldu og frama í starfi. 

63% kvenna sögðust vinna 40-59 tíma á viku og 62% kvenna í sambandi sögðust verja aðeins þremur tímum eða minna með maka sínum í hverri vinnuviku. 

Meghan segir greinilegt að konur setji starfið í fyrsta sætið en trúi þrátt fyrir það að þær geti fengið allt hitt líka. 

32% kvenna sögðust hafa hærri tekjur en makar sínir en 41% kvenna sögðust ekki líklegar til að giftast manni sem væri með lægri tekjur en þær. 

55% kvenna sögðust myndu hætta að vinna til að hugsa um börn sín ef maki þeirra myndi biðja þær um það en aðeins 28% myndu krefjast þess af maka sínum. 

Ef þær gætu fengið einn auka klukkutíma á degi hverjum myndu 42% verja honum í einrúmi frekar en með maka sínum, vinum eða fjölskyldu. 

Sjá frétt Reuters. 

• 1 blogg um fréttina

Bloggað um fréttina

• Sigurður Haraldsson: Hvað með karlana?