U2 hættir við samstarf með David Guetta

Plötusnúðurinn David Guetta segir að U2 sé hætt við samstarf. Írska sveitin hafði ætlað sér að vinna að nýrri plötu í samvinnu við samstarfsmann Lady Gaga, RedOne, will.i.am úr Black Eyed Peas og loks Guetta, sem segir að eftir að hafa átt fund með Bono hafi hann horfið af yfirborði jarðar. „Við ræddum þetta en ég hef ekkert heyrt frá honum síðan.“ Bassaleikari U2 hefur einnig staðfest að ekkert verði af umræddu samstarfi við RedOne.