Maria Shriver vill skilnað

Maria Shriver, eiginkona Arnolds Schwarzenegger leikara og fyrrverandi ríkisstjóra Kaliforníu, hefur óskað eftir hjónaskilnaði. Skjöl þess efnis voru lögð fram hjá dómstóli í Los Angeles í gær. 

Shriver, sem er 55 ára gömul, sagði „ósættanlegan mun“ vera ástæðu þess að hún óskar eftir skilnaði frá manni sínum. Þau kynntust 1977 og gengu í hjónaband 1986.

Schwarzenegger, sem er 63 ára, viðurkenndi í maí að hafa eignast barn með Mildred Baena, vinnukonu þeirra hjóna til margra ára, og tilkynnti um aðskilnað þeirra hjóna. 

Maria Shriver fór fram á sameiginlegt forræði yfir börnum þeirra hjóna, Patrick sem er 17 ára og Christopher sem er 13. ára, einnig fór hún fram á að eiginmaður hennar greiði lögfræðikostnað hennar og framfærslu. Hjónin eiga tvær eldri dætur, Katherine 21 árs og Christina 19 ára. 

• 1 blogg um fréttina

Bloggað um fréttina

• Axel Jóhann Hallgrímsson: Flókið fjölskyldulíf