Doherty miður sín vegna Winehouse

Breski rokkarinn og vandræðagemsinn Pete Doherty er sleginn yfir andláti Amy Winehouse, en þau voru nánir vinir.

Þau höfðu þekkst frá árinu 2007 og munu hafa stutt hvort annað í lífsins ólgusjó og í baráttunni við fíknina.

„Ég var í rúminu þegar ég fékk fréttirnar af dauða hennar,“ segir Doherty í viðtali á fréttavefnum Orange News. „Einhver vakti mig, ég gat ekki meðtekið þetta, ég get það ekki ennþá.“

„Það er næstum því ómögulegt að átta sig á því sem hefur gerst. Það er erfitt að hugsa sér að hún sé ekki lengur á meðal okkar,“ segir Pete Doherty.

• 1 blogg um fréttina

Bloggað um fréttina

• Jón Kristjánsson: Doherty fíflið....