Kastaði margra milljóna úri út í áhorfendaþvöguna

Söngvarinn Chris Brown lenti í því óhappi á sunnudaginn á MTV-verðlaunahátíðinni að úr sem að hann var með kastaðist út í áhorfendaþvöguna. Taldi Brown öruggt að hann myndi aldrei líta dýrgripinn augum á ný en annað kom á daginn.

Úrið er forláta gripur skreytt með ostruskeljum og kostar litlar 2,5 milljónir íslenskra króna. Þegar Brown mætti upp á sviðið til að syngja ákvað hann að taka af sér úrið og kasta því baksviðs í öruggt skjól. Ekki vildi þó betur til en svo að úrið lenti í miðri áhorfendaþvögunni og taldi Brown víst að það myndi aldrei skila sér.

Hann sendi þó lífvörð sinn til öryggis að leita að úrinu og bar leitin árangur því að heiðarlegur áhorfandi skilaði því samstundis.

Brown sá þó ekki ástæðu til að þakka viðkomandi persónulega en segist samt mjög þakklátur og undrandi á heiðarleika viðkomandi.

• 1 blogg um fréttina

Bloggað um fréttina

• Sigurður Haraldsson: Sumir hafa meira en aðrir!