Andy Rooney látinn

Bandaríski fjölmiðlamaðurinn Andy Rooney er látinn 92 ára að aldri. Rooney lést í gærkvöld á sjúkrahúsi í New York en hann fór nýverið í minni háttar skurðaðgerð þar.

Rooney sagði skilið við fréttaskýringaþáttinn 60 Minutes í september sl. Rooney hefur átt fimm mínútna langt lokainnslag þáttanna allt frá árinu 1978 og hefur þar komið víða við, fjallað um allt milli himins og jarðar og ekkert mannlegt honum óviðkomandi. Seinasta innslag Rooney fór í loftið á sunnudaginn, 2. október, 1.097. innslagið. Rooney hóf fjölmiðlaferil sinn í seinni heimsstyrjöldinni þegar hann gegndi herþjónustu árið 1942, skrifaði fréttir í Stars and Stripes, fréttarit Bandaríkjahers, þá staðsettur í Lundúnum.

Sjá nánar hér

• 2 blogg um fréttina

Bloggað um fréttina

• Ómar Ragnarsson: Meistara smápistlanna þakkað.
• Haraldur Haraldsson: Andy Rooney látinnFrábær fréttamaður og léttur talandi!!!!!