Middleton með barni?

Fjölmiðlar víða um heim veltu vöngum yfir því í dag hvort Kate Middleton, hertogaynjan af Cambridge, sé með barni eftir að hún neitaði að borða hnetusmjör í opinberri heimsókn í Danmörku. Middleton er ekki með ofnæmi fyrir hnetum og ráðleggja læknar ófrískum konum að halda sig frá hnetum og hnetuafurðum.

Middleton og eiginmaður hennar, Vilhjálmur Bretaprins, eru nú stödd í Kaupmannahöfn. Í dag heimsóttu þau dreifingarmiðstöð Barnahjálpar Sameinuðu þjóðanna ásamt Friðriki krónprinsi og eiginkonu hans Mary. Þar voru þau m.a. frædd um neyðarástandið sem ríkir í austurhluta Afríku og í tengslum við það var þeim boðið að smakka hluta af þeim mat sem er í matarpökkum sem dreift er á þeim svæðum þar sem hungursneyðin er sem mest. Var þeim þá m.a. boðið að smakka hnetusmjörið og þáðu það allir með þökkum nema Middleton.

• 3 blogg um fréttina

Bloggað um fréttina

• Rosaleg: Matvendni
• Sigurður Haraldsson: Getur það verið?
• Axel Jóhann Hallgrímsson: Ó, Gvöð