Markaður til styrktar Guðmundi Felix

Svölurnar efna til markaðar um helgina til styrktar Guðmundi Felix Grétarssyni sem missti báða handleggi í vinnuslysi fyrir 14 árum. Guðmundur er á förum til Frakklands í handleggjaágræðslu sem er mjög kostnaðarsöm aðgerð. Aðgerðin flokkast undir tilraunalækningar og nýtur því ekki opinberra styrkja.

Markaðurinn verður í Veislusalnum í Skógarhlíð 20, áður Ými, á laugardag og sunnudag kl. 10 til 18. Á markaðnum verður ýmiss konar varningur á hagstæðu verði en allur ágóði sölunnar af markaðnum rennur til Guðmundar Felix.

Svölurnar, félag fyrrverandi og núverandi flugfreyja og flugþjóna, hvetja sem flesta til að mæta á markaðinn og gera hagstæð kaup og leggja um leið góðu málefni lið.

Á morgun, föstudaginn 11. nóvember, verða Svölur í Veislusalnum að taka á móti varningi á markaðinn frá þeim sem geta og vilja leggja eitthvað af mörkum til þessa verðuga verkefnis.

• 1 blogg um fréttina

Bloggað um fréttina

• Jóhann Elíasson: VILLANDI FYRIRSÖGN...............................