Kallar Hawn sjálfhverfa og kynlífssjúka

Bill Hudson, fyrrverandi eiginmaður Goldie Hawn og faðir Olivier og Kate Hudson, hefur gefið út æviminningar sínar og fer hann ekki fögrum orðum um Hawn í bókinni. Hann segir hana vera sjálfhverfa og kynlífssjúka.

Hudson segir að Hawn hafi neytt kókaíns og hafi samband þeirra hafist á meðan Hawn var enn gift fyrsta eiginmanni sínum, dansaranum og leikstjóranum Gus Trikonis. Hann segir einnig að hún hafi krafist þess að hjónaband sitt og Hudsons væri opið og því átti hún oft náin kynni við aðra karlmenn á meðan hjónabandinu stóð.

Hudson segir að í upphafi sambands þeirra hafi Hawn viljað stunda kynlíf út um allt. Þegar þau kynntust fyrst hafi þau reykt hass tímunum saman og svo stundað kynlíf í ótalmarga klukkutíma.

Hudson fer engum silkihönskum um dóttur sína, leikkonuna Kate Hudson, í bókinni. Hann kallar hana dekurrófu sem hafi verið þvinguð og óheiðarleg í samskiptum við sig og segir að Hawn hafi snúið börnum þeirra gegn honum.

• 2 blogg um fréttina

Bloggað um fréttina

• Jóhannes Ragnarsson: Og slátrið hangandi niðrúr
• Svanur Gísli Þorkelsson: Alvöru hippastelpa