Fékk póst frá Lady Gaga

Jacques St Pierre, 17 ára kanadískur skólastrákur, varð orðlaus þegar hann fékk tölvupóst frá Lady Gaga þar sem hún lýsti stuðningi við baráttu hans gegn einelti í skólum.

Í tölvupóstinum var að finna stutt myndskeið þar sem Lady Gaga þakkar honum fyrir að vekja máls á þessu máli. „Það er mikilvægt að við víkkum mörk ástar og viðurkenningar,“ segir söngkonan í skilaboðum sínum.

Lady Gaga hefur lengi stutt dyggilega baráttu þeirra sem vilja setja lög gegn einelti. Hún skoraði á Barack Obama forseta fyrr á þessu ári að leggja baráttunni lið eftir að 14 ára bandarískur drengur tók eigið líf eftir að hafa þolað gróft einelti.

• 2 blogg um fréttina

Bloggað um fréttina

• Guðni Karl Harðarson: Hvað sem baráttu líður
• Njörður Helgason: Látum hana kynnast Stefáni Karli.