Tekin undir áhrifum

Fyrrverandi Ungfrú Bandaríkin, Rima Fakih, var handtekin um helgina fyrir að aka undir áhrifum áfengis. Fakih er 26 ára og var kosin fegursta kona Bandaríkjanna 2010. Hún var handtekin í Highland Park í Michigan og á von á kæru fyrir ölvunarakstur. Þetta var staðfest í dag samkvæmt vefsíðu People. Fegurðardrottningin mun vera mjög leið vegna atviksins og aðstæðnanna sem hún er í núna.

Í maí 2010 var Fakih fyrsta Ungfrú Michigan til að vera valin Ungfrú Bandaríkin síðan árið 1993 og fyrsta stúlkan af arabískum uppruna til að vinna keppnina frá upphafi. Hún tók þátt í Ungfrú heimi á þessu ári en komst ekki í verðlaunasæti.

• 1 blogg um fréttina

Bloggað um fréttina

• Jóhannes Ragnarsson: Ekki einsdæmi að fegurðardrottningar aki fullar