Þvær hárið ekki oftar en tvisvar í viku

Nicole Scherzinger segist hafa lært allt um hár, förðun og klæðnað á tónleikaferðalagi með hljómsveit sinni, The Pussycat Dolls. 

„Ég lærði allt um hár og förðun eftir tónleikaferðalagið með The Pussycat Dolls. Við gerðum þetta bara sjálfar, “ viðurkennir söngkonan í viðtali við tímaritið Glamour. „Við reyndum að draga fram allan þann kynþokka sem við höfum upp á að bjóða.“

Ekki er hægt að segja að stíll hljómsveitarmeðlima hafi verið látlaus, en nú á dögum er Scherzinger mun náttúrulegri í útliti og kýs að fara sínar eigin leiðir í leit að eigin stíl.

Eitt af leynibrögðum Scherzinger er að þvo hár sitt ekki of oft, og alls ekki oftar en tvisvar í viku. Hún segir að ef hárið sé þvegið oftar fái náttúrulega olían, sem hárið myndar, ekki að njóta sín, hárið verði þurrt og leiðinlegt viðureignar. 

• 1 blogg um fréttina

Bloggað um fréttina

• Jóhannes Ragnarsson: Viðurstyggilegt sóðakvikindi og súrheysgryfja.