Brotnaði saman í miðri mynd

Frumraun Angelinu Jolie á sviði kvikmyndaleikstjórnar, myndin In the Land of Blood and Honey frá árinu 2011, tók mjög á leikkonuna og brotnaði hún saman í miðju verki. Myndin segir frá dramatísku sambandi serbnesks hermanns og bosnísks fanga og voru margar senurnar afar tilfinningaþrungnar. Álagið var meira en Jolie þoldi og féll hún saman í sturtu á heimili sínu þegar upptökur stóðu sem hæst.

Leikkonan greindi frá þessu á fréttamannafundi sem sendur var út beint um veraldarvefinn. Jolie kvaðst hafa staðið undir sturtunni og skyndilega brostið í óstöðvandi grát. Hún hafi fundið til yfirgengilegrar ábyrgðar og fundist sem hún væri ekki þess umkomin að taka að sér svo stórt og vandasamt verk. Eiginmaður hennar Brad Pitt hafi komið henni til bjargar og henni hafi tekist að halda áfram og ljúka ætlunarverkinu.

• 1 blogg um fréttina

Bloggað um fréttina

• Ómar Ragnarsson: Mismunur kynjanna ?