Björk aflýsti tónleikum

Björk Guðmundsdóttir aflýsti tónleikum, sem hún ætlaði að halda í New York Hall of Science í New York í kvöld. Fram kemur á vef blaðsins New York Times að tónleikunum hafi verið aflýst vegna veikinda.

Björk hélt tónleika í borginni sl. föstudag og mánudag og einnig eru áformaðir tónleikar á sunnudag, miðvikudag og laugardag.

New York Times fjallaði um tónleika Bjarkar á föstudag og fór mjög lofsamlegum orðum um söngkonuna og íslenska kórinn Graduale Nobili, sem sagður er leika mikilvægt og jafnvel hetjulegt hlutverk á tónleikunum.

Umfjöllun New York Times

• 1 blogg um fréttina

Bloggað um fréttina

• Ómar Ragnarsson: Miðpunkturinn: Tvö lítil, örþunn raddbönd.