The Artist besta myndin

Franska kvikmyndin The Artist sópaði til sín helstu verðlaunum Óskarshátíðarinnar í Los Angeles. Hún var meðal annars valin besta kvikmyndin, Jean Dujardin var valinn besti leikari í aðalhlutverki og Michel Hazanavicius hlaut Óskarinn fyrir leikstjórn.

Þetta er í fyrsta sinn í sögu Óskarsverðlaunanna sem frönsk kvikmynd er valin besta kvikmyndin. Alls voru níu kvikmyndir en The Artist hafði verið spáð sigri og nýlega var hún valin mynd ársins á bæði Golden Globe verðlaunahátíðinni og frönsku  Cesar-hátíðinni.

Jean Dujardin er sömuleiðis fyrsti franski karlleikarinn til að fá Óskar fyrir besta leik í aðalhlutverki. Myndin hlaut tvenn verðlaun til viðbótar, fyrir búningahönnun og bestu tónlistina.

Við gríðarlegan fögnuð gesta var Meryl Streep valin besta leikkonan fyrir hlutverk sitt í Járnfrúnni, myndinni um Margaret Thatcher.

Á Óskarshátíðinni bar það til tíðinda að Christopher Plummer fékk Óskar fyrir hlutverk sitt í kvikmyndinni Beginners. Svo aldraður leikari hefur ekki fyrr hlotið Óskar en Plummer er 82 ára.

Jean Dujardin ánægður með Óskarinn fyrir besta leik í The Artist. reuters

• 1 blogg um fréttina

Bloggað um fréttina

• Sigurður Antonsson: Ris og fall stjarna