Fann ástina í stúlknahljómsveit

Harry Bretaprins er fallinn fyrir ljóshærðri fegurðardís af almúgaættum, Mollie, sem ber hið konunglega eftirnafn King. Sú sem nú hefur heillað prinsinn upp úr skónum er meðlimur í stúlknahljómsveitinni The Saturdays og er þremur árum yngri en prinsinn, eða 24 ára gömul.

Prinsinn og King kynntust á pólóleik fyrir nokkrum árum en nú hefur vinskapurinn þróast yfir í annað og meira, samkvæmt heimildamanni Daily Express. Sást nýlega til þeirra saman á næturklúbbi í London og síðar á karókí-bar ásamt nokkrum vinum. Harry flutti nýverið inn í piparsveinaíbúð sína í Kensingtonhöll og nýtur þess að hafa meiri stjórn en áður á eigin lífi.

Önnur ungstjarna úr stúlknahljómsveitinni The Saturdays, Una Healy, tengist bresku konungsfjölskyldunni vinaböndum og var meðal gesta í brúðkaupi Zöru Phillips, frænku Harrys, síðastliðið sumar. Healy er trúlofuð Ben Foden en hann leikur póló með sama liði og eiginmaður Phillips, Mike Tindall.

• 1 blogg um fréttina

Bloggað um fréttina

• Ómar Ragnarsson: Tákn um nýja tíma ?