Bandaríski kvikmyndaleikstjórinn David Lynch mun ávarpa áheyrendur í Gamla bíói á ráðstefnu Íslenska íhugunarfélagsins.
Lynch kom til Íslands fyrir þremur árum til að kynna innhverfa íhugun í kjölfar íslenska efnahagshrunsins. Frá þeim tíma hafa um 1400 Íslendingar lært innhverfa íhugun á námskeiðum Íslenska íhugunarfélagsins, að því er fram kemur í fréttatilkynningu. Af því tilefni verður dagskrá í Gamla bíói miðvikudaginn 9. maí næstkomandi þar sem kvikmyndaleikstjórinn mun ávarpa gesti og svara fyrirspurnum í gegnum SKYPE.
Lynch kom hingað til lands fyrir þremur árum fyrir atbeina Sigurjóns Sighvatssonar kvikmyndaframleiðanda til að kynna íhugunartækni Maharishi Mahesh Yogi, innhverfa íhugun.