Kærður fyrir líkamsárás

Justin Bieber er kærður fyrir að hafa misst stjórn sér og ráðist á æsifréttaljósmyndara sem elti hann og unnustuna, Selenu Gomez, á röndum um síðustu helgi. Ef söngvarinn verður fundinn sekur um líkamsárás gæti hann átt yfir höfði sér sex mánaða fangelsi.

Atvikið varð í verslunarmiðstöð í Calabasas í Kaliforníu á sunnudag. Ljósmyndarinn fullyrðir að poppsöngvarinn hafi veist að honum og veitt honum áverka, en síðan flúið vettvang ásamt Gomez.

Málið er nú í höndum saksóknara í Los Angeles. Ef Bieber verður fundinn sekur um líkamsárás gæti hann þurft að dúsa í fangelsi í allt að sex mánuði, að því er fram kemur á fréttavefnum TMZ.

• 1 blogg um fréttina

Bloggað um fréttina

• S Kristján Ingimarsson: Bieber boxari