Cruise með fjölskylduna á Íslandi

Bandaríski leikarinn Tom Cruise og fjölskylda hans verða á Íslandi um helgina, en líkt og fram hefur komið verður nýjasta kvikmynd Cruise, sem nefnist Oblivion, tekin upp hér á landi.

Friars Club í New York afhenti Cruise Entertainment Icon verðlaun í fyrradag. Eftir athöfnina sagði Cruise í samtali við Washington Post að hann myndi kynna sér tökustaði á Íslandi á morgun og á laugardag. Á sunnudag muni fjölskyldan svo taka því rólega, en þá er feðradagurinn haldinn hátíðlegur í Bandaríkjunum.

Ekki liggur fyrir hvort leikarinn sé þegar kominn til landsins.

Fram hefur komið að Oblivion verði m.a. tekin upp á Jökulheimaleið, sunnan við Drekavatn þar sem leikmynd hafi verið komið upp, að því er segir á dfs.is. DV segist hafa heimildir fyrir því að tökur á kvikmyndinni eigi að hefjast í Hrossaborgum í Mývatnssveit á mánudag.

• 2 blogg um fréttina

Bloggað um fréttina

• Haraldur Haraldsson: Cruise með fjölskylduna á Íslandi/Þetta mun vonandi verða góð landkyning …
• Ólöf Ingibjörg Davíðsdóttir: Cruise fjölskyldan og súrdeigið mitt