Hljómborðsleikari Deep Purple allur

Jon Lord, hljómborðsleikari Deep Purple, lést á sjúkrahúsi í London í dag. Hafði hann um langt skeið glímt við krabbamein í briskirtli.

Jon, sem fæddur var árið 1941, samdi fjöldann allan af lögum og starfaði með ýmsum tónlistarmönnum á ferli sínum. Frægastur var hann þó fyrir aðild sína að hljómsveitinni Deep Purple. Ásamt félögum sínum þar samdi hann ódauðlega slagara á borð við Smoke On The Water.

Jon spilaði með Deep Purple um árabil eða allt fram til ársins 2002. Hafði hann þá m.a. samið og flutt með sveitinni hljómsveitarverkið Concerto for Group & Orchestra ásamt konunglegu fílharmóníusveitinni í Royal Albert Hall-tónleikahúsinu í London árið 1969. Sama verk var aftur flutt af hljómsveitinni í sama húsi árið 1999 við mikinn fögnuð, en þá með  Sinfóníuhljómsveit Lundúnaborgar.

• 1 blogg um fréttina

Bloggað um fréttina

• Kristinn Snævar Jónsson: Deep Purple í Rokki