Japanskur aðdáandi taldi öll „búmm“

Rapparinn Will.i.am lét japanskan aðdáenda sinn slá sig út af laginu á dögunum. Rapparinn, sem er í hljómsveitinni The Black Eyed Peas, var að heilsa aðdáendum sínum þegar japönsk stúlka kom til hans og sagði: „Í laginu Boom Boom Pow segir þú búmm 101 sinni!“

Rapparinn lét þessa athugasemd slá sig augnablik út af laginu en svaraði þó og reyndi að sýnast öruggur: „Já, nákvæmlega. Þakka þér kærlega fyrir að hlusta á tónlistina mína.“

Að því sögðu fór Will.i.am heim og taldi. „Ég lagðist yfir lagið og taldi sjálfur og stúlkan hafði rétt fyrir sér. Það er nákvæmlega 101 búmm,“ sagði hann í sjónvarpsviðtali á dögunum.

• 1 blogg um fréttina

Bloggað um fréttina

• Ólafur Ragnarsson: "Já talandi um "