Geir vann fyrsta leik og kyssti Jóhönnu

Geir Sveinsson, fyrrverandi landsliðsfyrirliði í handbolta, vann sinn fyrsta deildarleik sem þjálfari austurríska liðsins A1 Bregenz í miklum háspennuleik um síðustu helgi.

Bregenz vann HC Linz, 25:24. Lið Geirs var mest fjórum mörkum yfir í seinni hálfleik, 24:20, en gestirnir í Linz jöfnuðu metin, 24:24, þegar fjórar mínútur voru eftir.

Þá tók Geir leikhlé sem skilaði marki strax í kjölfarið, 25:24, og þökk sé tveimur vörslum hjá markverði Bregenz unnu heimamenn dramatískan heimasigur í fyrsta leik.

Mikið var fagnað í höllinni og smellti Geir sjálfur kossi á eiginkonu sína, Jóhönnu Vilhjálmsdóttur, í tilefni dagsins. 

• 1 blogg um fréttina

Bloggað um fréttina

• Hjördís Vilhjálmsdóttir: Á maður að hafa haldið..