Ítalska tímaritið Chi hyggst birta umdeildar myndir af Katrínu hertogaynju af Cambridge, eiginkonu Vilhjálms Bretaprins, en þar er hún einungis klædd bikiníbuxum. Myndirnar voru teknar er hjónin voru í fríi í Suður-Frakklandi.

Chi mun helga 26 síður í næsta tölublaði sínu þessu efni og Alfonso Signorini, útgefandi tímaritsins, sagði í dag að forsíðufyrirsögn blaðsins yrði „Drottningin er nakin“. „Þetta umfjöllunarefni er einstaklega áhugavert vegna þess að þau munu einn góðan veðurdag sitja á valdastóli í Bretlandi,“ sagði Signorini.

Berlusconi gefur blöðin út

Chi er í eigu sama útgáfufyrirtækis og gefur út franska tímaritið Closer, sem fyrst birti myndirnar af Katrínu. Fyrirtækið heitir Mondadori Group og er í eigu Silvios Berlusconis, fyrrverandi forsætisráðherra Ítalíu.

Vilhjálmur og Katrín höfðuðu í dag mál gegn Closer fyrir myndbirtinguna.

Myndbirting franska tímaritsins Closer af hertogaynjunni fáklæddri hefur vakið mikla athygli. AFP

Tengdar fréttir

Kóngafólk

Katrín prinsessa laumaðist á fund í Windsor-kastala

• Sonur Mette-Marit grunaður um nauðgun
• Bresku konungshjónin syrgja góðan vin
• Brutust inn í bóndabæ á landareign bresku konungsfjölskyldunnar
• Meghan lét Harry selja dýrgripi

» Fleiri tengdar fréttir

• 1 blogg um fréttina

Bloggað um fréttina

• Hjördís Vilhjálmsdóttir: Fallegri í fötum