Verður Schwarzenegger forseti?

Kvikmyndaleikarinn og fyrrum ríkisstjórinn Arnold Schwarzenegger fer nú um Bandaríkin og áritar æviminningar sínar þar sem hann er sagður svipta hulunni af ýmsum leyndardómum í viðburðaríku lífi sínu. Aðdáendur hans segja hann hafa alla burði til þess að verða forseti Bandaríkjanna.

„Eitt meginverkefni mitt er að sameina fjölskyldu mína á nýjan leik,“ sagði Schwarzenegger er hann var að kynna bók sína í Washington. Maria Shriver, eiginkona hans til margra ára, sagði skilið við hann fyrir um ári eftir að upp komst um framhjáhald hans með ráðskonu þeirra hjóna.

„Hann ögraði öllum lögmálum,“ sagði maður nokkur sem kom til að fá áritun Schwarzeneggers. „Hann var líkamsræktarmaður, síðan leikari, svo varð hann ríkisstjóri. Hann á alla möguleika á að verða forseti Bandaríkjanna.“

• 1 blogg um fréttina

Bloggað um fréttina

• Axel Jóhann Hallgrímsson: Undarleg hugmynd