Lady Gaga komin til Reykjavíkur
Setja bókamerki
Stefani Joanne Angelina Germanotta, betur þekkt undir listamannsnafni sínu Lady Gaga, er komin til Reykjavíkur en einkaþota hennar lenti á Reykjavíkurflugvelli á tíunda tímanum.
Klukkan tvö í dag mun hún taka við viðurkenningu úr LennonOno-friðarsjóðnum í Hörpu.
„Lady Gaga er svo þekkt að það sem hún segir getur haft mikil áhrif og breytt heiminum,“ segir listakonan Yoko Ono um poppstjörnuna. Ono veitir viðurkenningar sjóðsins hér á tveggja ára fresti, á fæðingardegi Johns Lennons, 9. október. Lennon hefði orðið 72 ára í dag hefði hann lifað.
Í kvöld verður einnig árleg tendrun Friðarsúlu Yoko Ono í Viðey.
Auk Lady Gaga hljóta viðurkenningar í ár rithöfundarnir John Perkins, Christopher Hitchins og friðarsinninn Rachel Corrie. Hitchins og Corrie eru látin og taka ættingjar þeirra við viðurkenningunum. Þá hefur Ono þegar, í samstarfi við Amnesty International, veitt rússnesku femínistunum í Pussy Riot viðurkenningu.
Hér fyrir neðan sést Lady Gaga flytja lag Lennons Imagine
Bjarni: „Útilokað að þetta geti gengið upp“
Samfylking og Viðreisn gáfu loforð
Lyklaskipti í ráðuneytunum
Lát hjóna í Neskaupstað: Ákæra gefin út
Fyrsti blaðamannafundurinn í heild sinni
Þetta eru ráðherrar ríkisstjórnarinnar
„Börn heima sem maður myndi vilja hafa í skjóli“
