Dótaherbergi fyrir fullorðna fólkið

Angelina Jolie og Brad Pitt hafa innréttað sitt eigið „dótaherbergi“ á sveitasetri sínu í Suður-Frakklandi, sem börnin sex hafa ekki aðgang að. Leikaraparinu er mikið í mun að viðhalda blossanum, sem leiddi þau saman fyrir sjö árum, og til að kynda undir ástinni hafa þau látið útbúa sinn eigin sælureit með rólu og hjálpartækjum ástarlífsins.

Jolie og Pitt líður hvergi betur en á sveitasetrinu í Suður-Frakklandi og dvelja þar eins oft og þau mögulega geta. Nokkur gömul útihús standa á geysistórri landareigninni og hefur parið nú látið breyta einu þeirra í dótaherbergi fyrir fullorðna fólkið.

„Herbergið er með fullkominni hljóðeinangrun og búið hjónarúmi af stærstu gerð, rólu til kynlífsleikja og margskonar hjálpartækjum ástarlífsins,“ segir heimildarmaður breska blaðsins The Sun sem virðist öllum hnútum kunnugur.

„Angie og Brad nota hvert tækifæri sem gefst og láta sig hverfa í dótaherbergið. Þau segja börnunum að þau ætli að bregða sér örskamma stund út undir bert loft,“ er haft eftir heimildarmanni blaðsins.

• 1 blogg um fréttina

Bloggað um fréttina

• Viggó Jörgensson: Breyta þarf byggingareglugerð.