Hafa selt bækur á sama stað í 40 ár

Eigendur bóka- og gjafavöruverslunarinnar Úlfarsfells við Hagamel 67 fögnuðu 40 ára afmæli verslunarinnar í dag. Verslunin hefur alla tíð verið á sama stað og hefur verið í eigu sömu aðilanna frá árinu 1989.

Fjöldi góðra gesta leit inn og samfagnaði afmælisbarninu, þeirra á meðal voru Þórarinn Eldjárn, Guðrún Helgadóttir og Stefán Máni sem lásu upp úr bókum sínum og boðið var upp á kökur og kræsingar.