Gafst upp á grænmetinu eingöngu

Leikkonan knáa Hayden Panettiere reyndi um tíma að gerast grænmetisæta en gafst upp þar sem orkuleysi þjakaði hana.

„Ég reyndi að gerast grænmetisæta en kroppurinn brást ekki vel við,“ segir hin 23 ára fyrrverandi Heroes-leikkona í viðtali við nýjasta tölublað tímaritsins Self. „Ég var vön að fara út að hlaupa um klukkustund á dag ... en líkaminn á mér lokaði gjösamlega á slíkt, ég hafði einfaldlega ekki orkuna,“ bætti hún við.

Segist Panettiere stöðugt hafa verið þreytt eftir að hún tók allar dýraafurðir út úr mataræðinu í viðleitni til að lifa heilsusamlegra lífi. Fór hins vegar svo á endanum að hún hóf aftur að borða kjöt.

• 1 blogg um fréttina

Bloggað um fréttina

• Mofi: Orkuleysi ef þú ert grænmetisæta?