Koma fram í þætti Jays Lenos

Hljómsveitin Of Monsters and Men kemur fram í spjallþætti Jays Lenos í kvöld en það er í annað skiptið á árinu sem hún er fengin til þess að koma í þáttinn.

Á vef LA Times kemur fram að auk þeirra mun leikarinn Matt Damon koma fram í þættinum og eins leikarinn Chris Patt.

Í síðustu viku birti CBS-sjónvarpsstöðin ítarlegt viðtal við hljómsveitina og myndband með henni á vef sínum.

Þar kemur meðal annars fram að allt útlit sé fyrir að næsta ár verði annasamt hjá sveitinni og meðal annars komi þau fram í Ástralíu, Evrópu og Suður-Ameríku.

Hljómsveitin Of Monsters and Men hefur komið víða fram á árinu og birst í sjónvarpsþáttum í Evrópu og Bandaríkjunum. Hún var meðal annars tilnefnd til MTV-verðlauna fyrir myndband sitt við lagið Little talks.

• 1 blogg um fréttina

Bloggað um fréttina

• Gísli Foster Hjartarson: Koma þau ekki fram í....