Burt Reynolds lagður inn á sjúkrahús

Bandaríski leikarinn Burt Reynolds var í vikunni lagður inn á sjúkrahús í Flórída vegna mjög slæmrar flensu.

Var hann lagður inn á gjörgæsludeild vegna ofþornunar vegna flensunnar en samkvæmt upplýsingum sem bárust nú í kvöld er hitinn að lækka og líklegt að hann verði útskrifaður af gjörgæslu í kvöld og fluttur á almenna deild.

Hefur vefur E! News eftir upplýsingafulltrúa Reynolds að hann sé við betri heilsu og vel sé hugsað um leikarann og skegg hans á sjúkrahúsinu.

Reynolds, sem er 76 ára að aldri, hefur leikið í fjölmörgum kvikmyndum í gegnum tíðina, meðal annars í Smokey and the Bandit.

• 1 blogg um fréttina

Bloggað um fréttina

• Frikkinn: Af hverju er þetta frétt ?????????????????????