Sendiherra í röðum uppvakninga

Luis Arreaga, sendiherra Bandaríkjanna á Íslandi, slóst í hóp rúmlega 100 uppvakninga í tilefni sérstakrar forsýningar á fyrsta þætti þriðju þáttaraðar bandarísku sjónvarpsþáttaraðarinnar The Walking Dead í Bíó Paradís í kvöld.

Sendiherrann veitti verðlaun fyrir „bestu uppvakningana“ áður en sýningin hófst.

Kvikmyndastofnun Bandaríkjanna hefur valið The Walking Dead sem  einn af tíu bestu sjónvarpsþáttaröðunum ársins 2012.

Sýning þriðju þáttaraðarinnar hefst á Skjá Einum næstkomandi sunnudag kl. 22:00.

• Blogga um frétt