Sinfónían vestur um haf

Sin­fón­íu­hljóm­sveit Íslands er boðið á nor­rænu menn­ing­ar­hátíðina Nordic Cool sem Kenn­e­dy Center í Washingt­on DC stend­ur fyr­ir dag­ana 19. fe­brú­ar til 17. mars 2013.

Tón­leik­ar hljóm­sveit­ar­inn­ar eru á dag­skrá hátíðar­inn­ar 4. mars und­ir stjórn Ilans Volkovs, aðal­hljóm­sveit­ar­stjóra SÍ. Efn­is­skrá­in er glæsi­leg í alla staði og mun banda­ríski pí­anó­leik­ar­inn Garrick Ohls­son leika ein­leik með hljóm­sveit­inni.

Af fjór­um tón­verk­um efn­is­skrár­inn­ar eru tvö ís­lensk tón­verk, nýtt verk eft­ir Hlyn Aðils Vilm­ars­son og AER­IALITY eft­ir Önnu Þor­valds­dótt­ur sem frum­flutt var á tón­leik­um Sin­fón­íu­hljóm­sveit­ar Íslands árið 2011. Anna Þor­valds­dótt­ir hlaut Tón­list­ar­verðlaun Norður­landaráðs nú í vor fyr­ir verkið Dreymi sem einnig var frum­flutt af Sin­fón­íu­hljóm­sveit­inni. Efn­is­skrána full­komna svo tvö skandína­vísk tón­verk, pí­anókonsert í a-moll eft­ir Ed­vard Grieg og Lemm­inkä­in­en-svít­an op. 22 eft­ir Jean Si­belius.

Banda­ríski pí­anó­leik­ar­inn Garrick Ohls­son vann til fyrstu verðlauna í Chop­in-pí­anókeppn­inni árið 1970. Síðan þá hef­ur hann öðlast alþjóðleg­an sess sem ein­leik­ari og verið tal­inn einn fremsti túlk­andi tón­list­ar Chop­ins. Þessi fyrr­ver­andi nem­andi Claudi­os Arraus hef­ur yfir átta­tíu ein­leikskonserta á valdi sínu, allt frá Haydn og Moz­art til verka 21. ald­ar­inn­ar. Hljóm­sveit­in mun flytja dag­skrána fyr­ir tón­leika­för­ina á tón­leik­um í Hörpu þriðju­dag­inn 26. fe­brú­ar, sam­kvæmt frétta­til­kynn­ingu.

Sin­fón­íu­hljóm­sveit Íslands og Maxí­mús Mús­ík­us verður einnig með sér­staka skóla­tón­leika í Kenn­e­dy Center þar sem Maxi mun leika á als oddi. Maxí­mús Mús­íkús er án efa fræg­asta tón­list­ar­mús Íslands og þótt víðar væri leitað en bæk­urn­ar um hann hafa notið gíf­ur­legra vin­sælda meðal ís­lenskra barna og eru að fara sig­ur­för um heim­inn en þær eru fá­an­leg­ar í Þýskalandi, Fær­eyj­um, Kór­eu og á ensku um all­an heim. Höf­und­ur og teikn­ari bók­anna, þau Hall­fríður Ólafs­dótt­ir og Þór­ar­inn Már Bald­urs­son, eru bæði meðlim­ir Sin­fón­íu­hljóm­sveit­ar Íslands.

• 1 blogg um frétt­ina

Bloggað um frétt­ina

• Har­ald­ur Har­alds­son: Sin­fón­í­an vest­ur um haf/þ​etta er bara frá­bært,og heiður,en dýrt er …