Fry hinn fullkomni te-félagi

Leikarinn Stephen Fry hefur verið valinn sá sem Bretar vildu helst drekka te með af þekktum andlitum, samkvæmt nýrri könnun. Skaut hann þar m.a. sjálfri drottningunni ref fyrir rass.

„Það er mikill heiður og ég er hrærður yfir því að hafa verið valinn það þekkta andlit sem sem fólk hér á landi [í Bretlandi] vildi helst drekka te með,“ sagði leikarinn. Bætti hann við að hann ætti erfitt með að trúa því að hann hafi verið valinn fram fyrir einstaklinga á borð við drottninguna (sem lenti í þriðja sæti) og fleiri til.

Á meðal annarra sem lentu í efstu fimm sætum könnunarinnar má nefna hertogaynjuna Katrínu, sem lenti í fjórða sæti og söngvarann Peter Andre sem varð fimmti. Það voru tímaritið Women's Own og góðgerðarfélagið The Sick Children's Trust sem stóðu fyrir könnuninni.

Sjálfur sagðist Fry ætla að halda upp á útnefninguna með viðeigandi hætti: „Ég mun fagna þessum ánægjulegu fréttum með tebolla, Darjeeling [te-tegundin].“

• 1 blogg um fréttina

Bloggað um fréttina

• G. Tómas Gunnarsson: Varla hægt að hugsa sér betra teboð