Svartklæddur og síðhærður Eyþór Ingi Gunnlaugsson átti sviðið um stund í Malmö í kvöld og fipaðist hvergi í flutningi sínum á laginu Ég á líf. Honum var fagnað innilega af 11 þúsund áhorfendum tónleikahallarinnar.

Eyþór Ingi var 19. í röðinni af 26. löndum sem keppa á úrslitakvöldinu. Hann kom, líkt og í undanúrslitunum á fimmtudag, fram í svörtum jakka og svörtu vesti en hvítri skyrtu prýddur skarti í anda víkinga. 

Hin danska Emmelie de Forrest var næst á undan Eyþóri Inga og Farid Mammadoy frá Aserbaídsjan fylgdi strax á eftir. Bæði lög þykja sigurstrangleg en Eyþór Ingi þarf ekki að óttast samanburðinn miðað við frammistöðu hans í kvöld.

Tístarar á Twitter virðast sáttir og hafa nokkrir orð á því að hann sé langbesti karlsöngvarinn í keppninni í ár.

Tengdar fréttir

Eurovision

Þessi komust áfram í söngvakeppninni

• „Aldrei lagt eins mikið á mig fyrir eins fáar mínútur“
• Aldrei verið framkvæmt áður
• Slógu í gegn með „næstum“ Eurovision-lagi Íslands og sigla á svið
• 9 ára þegar kjarnaminningin kviknaði

» Fleiri tengdar fréttir

• 2 blogg um fréttina

Bloggað um fréttina

• Ómar Ragnarsson: "Jesús minn, hvað hann er flottur!" "Negldi þetta!"
• Halldór Sigurðsson: Engin umferð meða okkar maður söng- myndband