Sér eftir rassa-húðflúrinu

Fyrrverandi kærasta Robs Kardashian sér eftir að hafa látið húðflúra nafn hans á rasskinn sína.

Söng- og leikkonan Adrienne Bailon var í sambandi með Rob frá árinu 2007 til 2009 en hún kom fram í nokkrum Keeping Up With The Kardashians-þáttum á þeim tíma. Bailon viðurkennir að hafa gert mistök með því að fá sér þetta „hræðilega“ húðflúr.

Hin 29 ára Bailon tjáði sig um húðflúrið í spjallþættinum The Real. „Ég hef fengið mér slæm húðflúr í gegnum tíðina. Allir vita að ég er með slæmt rassa-húðflúr, ég veit ekki hvað ég var að hugsa,“ sagði Bailon.

„Tíu stafa eftirnafn. Þetta er mjög slæmt, ég veit. Ekki leika þetta eftir mér.“

Bailon og Rob ákváðu að láta húðflúra nafn hvort annars á sig þegar allt lék í lyndi en Rob fékk sér nafn Bailon á vinstri síðuna.

Söngkonan hefur nú farið í nokkrar laser-meðferðir í þeim tilgangi að losna við húðflúrið. „Þetta er ekki þægilegt. Maður finnur lyktina af holdinu brenna.“

• 1 blogg um fréttina

Bloggað um fréttina

• Frikkinn: Að vera á rassgatinu