Gítarleikari fékk rafstuð vegna rigningar

Gítarleikarinn Ómar Guðjónsson fékk rafstuð úr gítarnum sínum vegna votviðris á tónleikum á kaffihúsinu Jómfrúnni á dögunum.

Staðurinn stendur fyrir djassútitónleikum á hverjum laugardegi yfir sumartímann. Tónleikarnir hafa farið fram úti alla laugardaga í sumar þrátt fyrir mikla vætutíð.

„Við erum frekar harðir í þessu og það þarf að vera alveg lárétt og lóðrétt rigning og 12 metrar á sekúndu til að við færum tónleikana inn,“ segir Jakob Einar Jakobsson, þjónn á Jómfrúnni.