Vísar ásökunum Opruh Winfrey á bug

Svo virðist sem kurteisin hafi flækst fyrir afgreiðslukonunni sem neitaði að afgreiða Opruh Winfrey. 

Trudy Goetz, eigandi umræddrar verslunar, neitar því alfarið að afgreiðslukonan hafi neitað að afgreiða Winfrey heldur sé um misskilning að ræða. „Afgreiðslukonan setur alltaf þarfir viðskiptavinarins í fyrsta sæti og ef til vill var hún of kurteis,“ sagði Goetz við fréttaveituna AFP. „Hún sagði að taskan væri mjög falleg en sagði síðan, „Í sannleika sagt kostar taskan 35 þúsund franka, en ég get sýnt þér aðrar útgáfur af henni“.“ Þá segir Goetz að ekki standi til að taka afgreiðslukonuna á teppið.

Í viðtali við Larry King greindi Oprah Winfrey frá því að hún hafi orðið fyrir barðinu á kynþáttafordómum í einni af fínni verslunum Sviss. Þá gantaðist hún með að hvarflað hefði að henni að kaupa upp alla verslunina í anda kvikmyndarinnar Pretty Woman. 

• 1 blogg um fréttina

Bloggað um fréttina

• Jóhann Kristinsson: Oprah talin ekki borgunarmaneskja