Hafþór Júlíus í Game of Thrones

Hafþór Júlíus Björnsson, sterkasti maður Íslands og þriðji sterkasti maður heims leikur Ser Gregor Clegane, sem er kallaður  Fjallið, eða The Mountain upp á ensku, í fjórðu þáttaröð sjónvarpsþáttanna Hásætaleikunum (e. Game of Thrones). Þetta kemur fram á síðunni Winter is coming og heimildir mbl.is hafa staðfest þetta.

Hafþór, sem er aðeins 24 ára, tekur við hlutverkinu frá sér mun eldri manni, en Conan Stevens og Ian Whyte sem léku hann áður, eru talsvert eldri en Hafþór.

Atriði fyrir bæði þriðju og fjórðu þáttaröð Hásætaleikanna voru tekin upp hér á landi, hvorttveggja á Þingvöllum og á Langjökli.

• Blogga um frétt