Vonast til að deyja á tökustað

Harry Potter leikarinn Daniel Radcliffe sagði á dögunum að hann vonaðist til að deyja á tökustað.

Leikarinn sagði frá því hvernig það hefði verið að alast upp er hann lék í Harry Potter myndunum en sagði að honum liði mjög vel á tökustað.

„Það eru margir sem halda að ef þú elst upp á tökustað þá sértu alveg örugglega mjög þreyttur á því og að þú viljir gera eitthvað annað,“ sagði  Radcliffe í samtali við The Guardian og bætti við: „En raunar þekki ég ekkert annað en að vera á tökustað og ég elska það. Mér líður vel á tökustað.“

Hann hélt svo áfram og sagði að hann vonaðist til að andast á tökustað: „Ég vona að ég látist á tökustað. Án alls gríns, vonandi seinna frekar enn fyrr.“

• 1 blogg um fréttina

Bloggað um fréttina

• Ásgrímur Hartmannsson: Göfugt markmið... eða hvað?