Kveikt á stærsta jólatré heimsins

Kveikt var á stærsta jólatré heimsins í gær í bænum Gubbio á Ítalíu. Ekki er þó um hefðbundið jólatré að ræða heldur tré sem búið er til úr stórum ljósum í hlíðinni fyrir ofan bæinn.

Fram kemur í frétt AFP að „tréð“ sé búið til úr um eitt þúsund marglitum ljósum sem raðað er í hlíðina og er hæð þess 750 metrar og breidd 450 metrar þar sem það er breiðast. Stjarnan efst í hlíðinni er gerð úr 250 ljósum og nær yfir svæði sem er um eitt þúsund fermetrar.

Þetta er ekki í fyrsta sinn sem Gubbio setur upp þessa jólaskreytingu en það hefur verið gert árlega allt frá árinu 1981.

• 1 blogg um fréttina

Bloggað um fréttina

• Ómar Ragnarsson: Stærsti jólasveinn heim er í Norður-Noregi, allt árið !