Verðlaunahross á flugi

Kvikmyndin Hross í oss eftir leikstjórann Benedikt Erlingsson heldur áfram að sanka að sér verðlaunum en myndin hlýtur aðalverðlaun á franskri kvikmyndahátíð, en þau verða formlega afhent á morgun. Myndin hlaut jafnframt verðlaun fyrir bestu tónlistina, en hún er eftir Davíð Þór Jónsson.

Benedikt greindi frá þessu á Facebook í fyrr í kvöld.

Um er að ræða kvikmyndahátíðina Festival de Cinéma Européen des Arcs, en hér má sjá verðlaunamyndirnar. 

Fram kemur að myndin hafi alls hlotið 10 verðlaun á sjö hátíðum. „Það eru 1,43 verðlaun á hátíð. Hrossin eru á flugi,“ segir á Facebook-síðunni.

• Blogga um frétt