Gravity og 12 Years a Slave þóttu bestar

Kvik­mynd­irn­ar Gra­vity og 12 Ye­ars a Slave deila með sér verðlaun­um sem mynd árs­ins að mati sam­taka kvik­mynda­fram­leiðenda, Producers Guild of America, og er þetta í fyrsta skipti í sögu verðlaun­anna sem tvær mynd­ir verða fyr­ir val­inu.

Síðustu sex árin hef­ur mynd­in sem fær PGA-verðlaun­in fengið Óskar­sverðlaun­in sem besta mynd árs­ins. Sam­kvæmt frétt Variety-tíma­rits­ins hafa PGA-verðlaun­in verið veitt í 25 ár. Mynd­irn­ar eru báðar til­nefnd­ar til Óskar­sverðlaun­anna í ár.

Gra­vity er með tíu til­nefn­ing­ar til Óskar­sverðlauna líkt og American Hustle en verðlaun­in verða af­hent hinn 2. mars nk.

Sjón­varps­mynd­in Behind the Cand­ela­bra með Michael Douglas og Matt Damon var einnig verðlaunuð á PGA-hátíðinni í Los Ang­eles í gær­kvöldi sem og heim­ild­ar­mynd­in um Wiki­Leaks, We Steal Secrets.

Steve McQu­een leik­stjóri 12 Ye­ars a Slave. AFP

• 1 blogg um frétt­ina

Bloggað um frétt­ina

• Mofi: The book thi­ef