Uppselt er á tónleika Justins Timberlakes í Kórnum 24. ágúst næstkomandi. Heimasíða mida.is hrundi í kjölfar ásóknar í miða klukkan 10 í dag þegar miðasala hófst. Ísleifur Þórhallsson, framkvæmdastjóri tónlistar- og viðburðasviðs Senu, sagði þá við mbl.is að allt að 40 þúsund manns hefðu reynt að kaupa miða á sama tíma. 

Sölukerfi vefsins er nú aftur komið í lag, en þegar reynt er að finna miða kemur upp villumelding um að uppselt sé á atburðinn. Ísleifur staðfestir að uppselt sé orðið á tónleikana. „Það er 100% orðið pakkuppselt,“ segir hann. „Klukkan 10, þegar það var opnað fyrir sölu, lítur út fyrir að á milli 30 og 40 þúsund manns hafi verið að reyna að kaupa miða,“ segir hann, en aðeins 1-2 mínútum eftir að salan hófst hrundi miðasölukerfið.

Ísleifur segir að klukkan 10:35 hafi vefurinn svo aftur komist í gang og þá hafi miðar byrjað að rúlla út aftur. Klukkan 10:45 var svo orðið uppselt á tónleikana, en miðasölukerfi mida.is var ekki almennilega komið upp aftur fyrr en í kringum klukkan 11. Það seldist því upp á tónleikana á um 12 mínútum samtals, en Ísleifur segir að á einum tímapunkti hafi 59 þúsund tengingar verið við síðuna.

Til að komast í rétta gírinn fyrir tónleikana mælir mbl.is með því að heppnir handhafar miða horfi á myndskeiðið hér að neðan:

Tengdar fréttir

Justin Timberlake

Timberlake játar ölvunarakstur

• Timberlake sviptur ökuréttindum
• Timberlake vill fá ákæru fyrir ölvunarakstur fellda niður
• Lögreglan sögð hafa fengið ábendingu um Timberlake
• Var ofurölvi á hótelbar fyrir handtökuna

» Fleiri tengdar fréttir

• 1 blogg um fréttina

Bloggað um fréttina

• ÞJÓÐARSÁLIN: Fátæk þjóð í vanda!