Tryllt stemning í Hörpu

 „Tónleikarnir tókust ótrúlega vel. Salurinn var troðfullur og það var tryllt stemning,“ segir Anna Pála Sverrisdóttir, formaður Samtakanna ´78, í kvöld fóru fram tónleikar í Hörpu á vegum Íslandsdeildar Amnesty International og Samtakanna ´78. Allur ágóði af tónleikunum rennur til grasrótarbaráttu hinsegin fólks í Úganda.

Páll Óskar, Hinsegin kórinn, Sykur, Sigga Beinteins og stjórnin og Retro Stefson komu fram á tónleikunum. Tónleikagestir fengu einnig að hlýða á ávarp konu frá Úganda og þá flutti Felix Bergson einnig ávarp. Þar minnti hann á sögu Úgandabúans David Kato sem lét lífið fyrir kynhneigð sína eftir hafa verið ofsóttur í Úganda. „Hann lét lífið og við skuldum honum að halda baráttunni áfram,“ sagði Anna Pála í samtali við mbl.is. 

• Blogga um frétt